PRUGRAM Y FURMAZION CREATIVA DL MUSEUM GHERDËINA
L Museum Gherdëina nvieia families, grupes y persones de uni età a tò pert a manifestazions de n prugram culturel particuler. Pitli y granc possa scuvierjer adum la storia, cultura y l artejanat dla valeda cun vijites menedes, berstot creativa y autra prupostes interatives. Dessot sun chësta plata iel da abine duta la nfurmazions per planifiché vosta proscima vijita.Lëuratueres creatifs
Lëuratueres creatifs per mutans y mutons, dala 2a elementera ala 1a mesana, tla mostra Sevi "Dal lën al jeuch".Can? for de vënderdi ai 08, 15 y 22 de mei, dala 14:30 ala 16
Ulà? Museum de Gherdëina
Material y ntreda: 8€
Iscrizions: Museum de Gherdëina
Raida storica de Urtijëi
Jì tres Urtijëi ie sciche viagë tl tëmp. La viles tl stil liberty fates su da artisć y ferlëgri nes porta ndëur te n tëmp ulache l ziplé garantiva n bensté ala valeda. La cëses de ferlëgher y la berstotes pieta na udleda ala ndustria dla roba da fé damat da n iede. Ntan la raida, nes conta ustaries y albiercs storics l’evoluzion de Urtijëi, ënghe coche luegia prijeda da alpinisć sibe d’instà che nce d’inviern.Periodo: 15 juni - 30 setëmber 2026, uni lunesc dala 16:30 ala 18:00
Pont d’ancunteda: cassa dl museum
Rujeneda: tudësch y talian (aldó di partezipanc)
Priesc de iscrizion: 10 € VGA Parter y VG Club Card, 25 € DVG Partner, 30 € Standard
Iscrizion: Museum Gherdëina, Lia dl turism de Urtijëi, S. Cristina y Sëlva (nchin dumënia dala 18)
Deplù nfurmazions
Vijites menedes tl Museum
Vijites menedes per grupes da pudëi resservé nce ora de orar.Priesc: 80 € - nchin a 25 persones/grupa
Iscrizions: Museum de Gherdëina
Pedagogia museala per la scoles
Aldò dla cunescënzes dla sculées y di sculeies y di ubietifs de stude che n uel arjonjer, iel puscibl crì ora danter doi formes de mediazion:Vijita meneda tla mostra permanënta sun n tema de Vosta vela, sciche per ejëmpl geologia, archeologia, ert o Luis Trenker (scola elementera, scola mesana, scola auta).
Azion interativa sota l’istruzion y la sëuravijion dla mediadëura/dl mediadëur. Per chësta azions iel a despusizion materai didatics che descëida ora l nteres.
- Pec dl museum che va a cuer (scolina, scola elementera, scola mesana, scola auta)
- Popes, ciavei da cuna y cramaices (scolina, scola elementera, scola mesana, scola auta)
- Ladinia (s)cunesciuda (scola mesana)
Deplù nfurmazions y iscrizion:
info@museumgherdeina.it, Tel. 0471 797 554