DI NTERNAZIUNEL DI MUSEUMS

“Museums, sustenibltà y se n sté bën“
L motto 2023 fej referimënt ala ressoluzion ICOM de Kyoto 2019, che auza ora la respunsabltà de uni museum de viers dl svilup sustenibl dla comunità locala y globala tres si ativiteies educatives, mostres y programs, dajan cun si mpëni n cuntribut cuncret ai 30 travërc dla Carta SDG 2030 (Sustainable Development Goals) dla Nazions Unides.

L Museum Gherdëina sun l motto de chëst ann, Ve nvieia ite a fé pea y a Ve nuzé dla prupostes!

Di dla porta davierta
cun prugram per pitli y granc

Dumënia 21 de mei, 10–18

L’entreda y l’azions ie debant

Dala massaria da paur ala cultura dl maië - Tendënzes nueves te nosta valeda

dala 10

Recunëscer craitles y plantes de medejina

Spazireda sun Col de Flam cun Johann Comploj
L referënt ie espert de plantes da adurvé te cësadafuech. Ël à fat n curs tla Laimburg y a na longia esperienza tl zidlé plantes de medejina y plantes de verzon, a les secë y a les adurvé.
N se anconta tl museum (dureda za. 2 ëura)


dala 14-18

Dal lëur di ciamps nchin tl taier

Jënt conta dla massaria nteressanta y dl lëur da paur da n iede y da ncuei
Cie chersciovel pa pludagiut tla valeda y cie vëniel pa zidlà al didancuei?
Can univel pa puà, senà y tëut ite la blava?
Ulà chersciova pa l pavé? Co l metoven pa a secë?
Co scartejeien pa la lana y co la filen pa?
Co fejen pa smauz, ciajuel y zigres?
Sce ëis vel’ fotografia sun chësta tematica, tulëdela pea!
Tla sala mostra

Senté ora plantes de verzon

Azion per mutons cun Ujep Runggaldier
L referënt à studià “Ambient y gestion dla ressorses natureles” a Viena y à for abù na gran pascion per la ierbes, craitles y plantes de verzon. Mutons y mutans mpera a senté ora na planta de salata che i possa se tò pea a cësa.
Tl verzon dla Cësa di Ladins

Persones cumpetëntes ie a Vosta despusizion tla mostra.

Mëisa de libri

tla biblioteca ladina anda Malia da Cudan
N culaburazion cun la Union di Ladins de Gherdëina

L team dl Museum Ve aspieta!

Per nfurmazions plu avisa: tel. 0471 797554