Jita storich-leterera
Spazireda dal Jëuf de Sela tres la zità di sasc
cun Ingrid Runggaldier
Ntan la spazireda dal Jëuf de Sela danter i sasc sot a Saslonch, dan na cuntreda de marueia nes conta Ingrid Runggaldier di prim viagiadëures che ie unic a scuvierejer la Dolomites y che nes à lascià fusties scrites de nteres storich y leterer. La nes conta de viandanc y viandantes, de alpinisć y alpinistes, de leterac y leterates, ma nce dla ududa che la jënt de nosc raions y la persones da oradecà ova sun nosc crëps, dla vita dla jënt te nosta valedes ladines y dl se furmé di inuemes de nosta montes y pizes. Charles Latrobe, John Murray, Ludwig Steub, Josiah Gilbert y George Cheetham Churchill, Amelia Edwards, Lizzie Tuckett, Margaret Morley, Alice Shalek, Richard Huldschiner, Emilio Comici, Ettore Castiglioni, Mary Varale ie mé n valgun ejëmpli danter la persunaliteies che ancunteron ntan chësta jita.Can: Dumenia ai 19 de juni 2022
Pià via vëniel: dala 8:29 da plaza Sant’Antone demez cun la curiera de linea (ruva sul jëuf 9:23)
dala 8:47 da S. Cristina/Dosses, dala 8:56 da Sëlva/Nives
De reviers: dala 14:00 dal jëuf de Sela, cun la curiera de linea
Rujeneda: ladin, tudësch, talian, aldò di scric ite
Da paië ite iel: 10 € (la curiera se paia uni un nstëss)
Nfurmazion y iscrizion: Museum Gherdëina, nchin vënderdi ai 17.06.22, dala 12.00
T 0471 797554, info@museumgherdeina.it
Alpinisc dan la Fermedes, 1895. Foto de Emil Terschak, ntëur l 1895. Archif Museum Gherdëina.