Scultura

 
Na gran vela de scultures sacres y profanes dà na vijion plu deferenzieda dla produzion artistica y artejanela di ultims cater centeneies te Gherdëina.

L ie da pudëi amiré la figures religiëuses dla dinasties di prims scultëures baroches Trebinger y Vinazer. De chisc ultims cunservea l Museum la figures urigineles dl gran autere y dla canstla dla dlieja da Sacun.

Tla culezion rica de pitla scultures profanes vëniel a lum duta la criatività umoristica di zipladëures de Gherdëina dl 1700 y 1800. Da nunzië iel la criples, metudes adum al scumenciamënt dla tradizion dl ziplé mé da puecia figures, per deventé for plu y plu riches.

Danter i gran artisć dl XXejem secul iel da udei doi culezions de lëures de bera Albino Pitscheider de Menza y Luis Insam dl Talvela y lëures di vedli maestri dla Scola d’Ert de Urtijëi.