Nutizies

Raida di mejes sa Sacun

Vijita ai mejes de Mëune y Peza y ala dlieja da Sacun y
ntroduzion ala storia dl nridlamënt tl Museum Gherdëina

Can: uni mierculdi
Mënsc: dal 11 de juni nchin ai 10 de setëmber 2025
Rujeneda: tla rujeneda taliana y tudëscia, aldò di partezipanc
Scumëncia: dala 9 daduman tl Museum Gherdëina (dala 9:50 furnea la curiera su sa Sacun da plaza Sant Antone demez)
Fina: dala 1 domesdì sa Sacun, fermeda dla curiera Somont
(dala 14h iel n cajo n bus per furné ju sun plaza Sant Antone, a pe iel da jì z. 1/2 ëura)
Dureda: 4 ëura
Deficultà: saurì (deslivel 200m, lunghëza 3km)
Partezipanc: da 2 persones a max. 15 persones
Priesc: per partner Val Gardena Active: granc 10 €, jëuni da 8 a 17 ani: 5 €; zënza cherta VGA: granc 30 € a persona, jëuni da 8 a 17 ani: 10 €, pitli nchin a 7 ani: debant - (tl priesc iel laite la cherta d’entreda che vél per doi enes) 1,50 € ticket bus

Iscrizions: pra l Museum Gherdëiina (tel. 0471 797554 o per email: info@museumgherdeina.it) o pra la lies turistiches de Gherdëina, nchin la sies dassëira dl di dant

DOWNLOAD PLACAT

Deplù:

L ie nce la puscibltà de fé la raida da n autra ëura y n auter di, sce l ie almanco 6 persones che se scrij ite.

La manifestazion fej pert dla scumenciadiva dl Museum Gherdëina per sensibilisé y mparé a cunëscer miec l patrimone architetonich y da paur che per cënc d‘ani à caraterisà la storia y la vita dla jënt de nosta valeda.

Per auzé ora i valors estetics y culturei dl patrimone architetonich à l Museum Gherdëina dat ora l liber “Mejes de Gherdëina - La memoria de na cuntreda” cun la fotografies de marueia a blanch y fosch de 70 luesc da paur fates dal fotograf Václav Šedý ti ultims doi ani, cun tesć tla trëi rujenedes. L liber ie da giapé a miëur priesc pra la cassa dl Museum.