Raida di mejes sa Sacun

Ntroduzion ala storia dl nridlamënt tl Museum Gherdëina, cun dadedò vijita ai mejes de Mëune y Peza y ala dlieja da Sacun. Chëst ann ie nce da udëi n valgun modiei n miniatura di mestieres da paur fac cun savëi y prezijion da Siegfried Irsara (1927–2020).

Can: uni merdi
Mënsc: dal 6 de lugio nchin de setëmber 2021
Rujeneda: tla rujeneda taliana y tudëscia, aldò di partezipanc
Scumëncia: dala 9 daduman tl Museum Gherdëina
Fina: dala 1 domesdì sa Sacun, fermeda dla curiera Somont (dala 14h iel ancajo n bus per furné ju sun plaza S. Antone)
Dureda: 4 ëura
Deficultà: saurì
Priesc: 25 € a persona, 45 € per 2 persones
45 € per families
20 € studënc
(tl priesc iel laite la cherta d’entreda che vél per doi enes)
1,50 € ticket bus, gratis per chëi che à la cherta Gardena Card
Partezipanc: da 2 persones a max. 12 persones
Per pudëi to pert ala vijita iel debujën de vester zënza fiëura, de curí y nes te situazions de bujën bocia, y tenì ite la destanzia danter I vijitadëures.

Prenutazion: pra l Museum Gherdëina, 39046 Urtijëi, streda Rezia 83
(Cësa di Ladins), tel. 0471 797554, info@museumgherdeina.it

La vijites vën menedes da Annemarie Höglinger (de lugio) y da Isabella Penzo (d‘agost), tla rujeneda tudëscia y taliana aldò di partezipanc.

L ie nce la puscibltà de fé la raida da n autra ëura y n auter di, sce l ie almanco 6 persones che se scrij ite.

La manifestazion fej pert dla iniziativa dl Museum Gherdëina per sensibilisé y mparé a cunescer miec l patrimone architetonic y da paur che per cënc d‘ani à caraterisà la storia y la vita dla jënt de nosta valeda.

Per auzé ora i valores estetics y culturei dl patrimone architetonich à l Museum Gherdëina dat ora l liber “Mejes de Gherdëina - La memoria de na cuntreda” cun la fotografies de marueia a blanch y fosch de 70 luesc da paur fates dal fotograf Václav Šedý ti ultims doi ani, cun testc tla trëi rujnedes. Liber da giapé a n miëur priesc pra la cassa dl Museum.