Di Europeich dl Patrimone
Dumënia ai 16 de utober 2016
Un di plu vedli luesc da paur de Gherdëina:
l luech de „Peza“ sa Sacun
Vijita a na testemunianza unica de nosta cuntreda cultureladala 14 nchin la 17
L luech de „Peza“ ie sentà ite da pert da surëdl a 1600 m de autëza nia dalonc dala dlieja da Sacun. Peza ie danter la plu vedla frabiches da paur dl 13. secul te Gherdëina. La proes dendrologiches di ciuleies l datea dl ann 1249d, l tublà alincontra dl 1533d. Numinà vën l luech per l prim iede dl 1277. Nce la njontes y mudazions dl tëmp gotich y baroch se à mantenì ti tëmps. Dl 2006 à l Chemun de Urtijëi cumprà ju mesa na pert dla cësa oravier; la pert dedite ie dla familia Santifaller, che lëura nce l luech.
Vijites menedes: dala 14 y dala 15.30
La vijita meneda cun Klaus Pfeifer (dendrocronolgh) y Stefan Handle (Università de Dispruch) pieta na vijion dl svilup dl’architetura da paur dal Medieve nchin via ai tëmps moderns, cun na demustrazion dla metoda dendrologica per nrescì l’età dla strutures de lën. L patron de cësa Siegfried Santifaller cunterà stories tramandedes y esperienzes de vita sun l luech da Peza.
„La memoria di ubiec“: dala 14 inant
Mutons y jëuni puderà scuvierjer y mparé a cunëscer elemënc architetonics y massaria da paur da unidì, jì a crì fusties de messajes ascundui y se dé ju cun lecorc persunei pra la azion interativa cun Marie Theres Thaler y Isabell Pitscheider.
Co ruvé permez:
Da Urtijëi: do dlieja San Durich su per l „troi dla meditazion“ sun Col de Flam y inant nchin sa la dlieja da Sacun y Peza.
Da Santa Cristina: da Praulëta o da Runcaudie ora o per l „troi dla lijëndes“ nchin sa Sacun.
Trasport:
Davia che sa Sacun l ie mé puecia plazes da parchejé vëniel pità n shuttle bus che furnea sa Sacun. Da jì a pe iel po mé plu feter n 20 menuc.
Da dlieja San Durich demez: dala 13.30 nchin ala 15.00 circa.
Da Peza de reviers: dala 16.00 nchin la 17.00
L domesdì ie debant, sibe per fé pea la vijita meneda coche nce l shuttle.
En culaburazion cun l Ufize Bëns architetonics dla Provinzia Autonoma de Bulsan
Passa 350 vijitadëures ie unic a vijité l luech da Peza sa Sacun n dumënia ai 16 de utober n ucajion dl Di Europeich dl Patrimone 2016 „Mantenì l’arpejon culturela: n mpëni de duc“
