LAD | ITA | DEU | ENG

Luis Trenker (1892–1990)

Al cunesciù alpinist Luis Trenker, nasciù a Urtijëi l ann 1892 y mort a Bulsan dl 1990 tla età de 97 ani, ie dedicheda na sezion a pert dl Museum. Coche atëur y reghisser de films vëniel ratà un di gran pionieres dl „Bergfilm“ tudësch di ani 1920 y 1930.

N gran merit de Luis Trenker ie nce chël de avëi fat cunëscer nosc crëps cun duta si belëzes a n gran publich delà dal Brenner. Te na lingia de trascmiscions tla radio y televijiion di Paejes Tudësc, dl’Austria y dla Svizera al cuntà si stories d’infanzia, esperienzes de viera sun la front tla Dolomites y autra ventures cun gran entusiasm y vijion y purtà pro dassën al svilup dl turism te Südtirol ti ani 1970 y 1980. Tosc 20 ani dala mort vëniel mo ncueicundi lecurdà gën da truepa persones da oradecà y dl post.

Tla mostra iel da udëi pec ora dla arpejon artistica de „Bera Luis dla Cademia“ sëurandata al Museum de Gherdëina da pert de si fions dl 1990 y 2004: Na gran cumpëida de robes persuneles coche ducumënc, fotografies, libri, prëmi de films, pultrëc de bront de David Moroder y Carlo Crepaz y autra cosses, coche si scrivania y mobilia, la meisa da taië y dut i autri njins che ël ova abù dala man a filmé, manuscric per films y trasmiscions, lëtres, albums de fotografies, fotodocumentazions dl lëur da atëur y reghisser, placac de films y njins da jì a crëp.
 
Cudejel dla mostra (tla rujeneda tudëscia)
 
L Museum Gherdëina lecorda Luis Trenker n ucajion di 25 ani dala mort

Giaurida dla mostra nueva Luis Trenker

Download Folder

Galeria

Filmplakat "Der verlorene Sohn"
Filmplakat "Der kaiser von Kalifornien"
Filmplakat "Condottieri"
Filmplakat "Flucht in die Dolomiten"
Trenker hinter der Filmkamera am Grödnerjoch, 1950
Trenker Werbeplakat für den Tourismusverein St. Ulrich, 1970
Werbeplakat "La grande conquista"
Szenenbild aus "Der verlorene Sohn"