Clochards & roba da fé damat

N vënderdi ai 10.05.2013, dala 10 danmesdì, tl Museum Gherdëina

Presentazion de doi pruiec artistics n culaburazion cun l Lizeum d’Ert Cademia de Urtijëi, n ucajion dl „Ann dl pez dl museum 2013“

Cuordinazion dla tlasses: Prof. Thea Blaas y Prof. Christa Kasslatter
L culaburea: Markus Delago
Assistënza scientifica: Dr. Paulina Moroder
Assistënza tecnica: Ugo Insam

La culaburazion danter l Museum Gherdëina y l Lizeum d’Ert Cademia uel dé ai studënc l’ucajion de se dé ju cun la culezion storich-artistica y unica dl museum y de pudëi po’ se nuzé per si stude y si ideies nueves.

I studënc dla prima y terza tlasses se cunfruntea te grupes de lëur cun la figures di petleri dl 19.ejem centené, chëi dla segonda tlasses alincontra, se dà ntant ju cun articuli dla chiena dl otcënt y di ani 1950-1960. Pra la nterpretazions nueves vëniel adurvà materiai defrënc.

I resultac dl pruiet unirà presentei al publich cun na pitla mostra tl Museum de Gherdëina ai 10 de mei 2013.
La criazions nueves sarà nce da udëi n ucajion dl „Di internaziunel di Museums“, n dumënia ai 12 de mei, dala 10 danmesdì nchin la 12.30 y dala 2 domesdì nchin la 6 dassëira.

Download Nvit