Di nternaziunel dl'ëila
10:30 Lecurdanza a MaieleN ucajion dla sëurandata de n cheder a uele de Markus Vallazza nvieia l Museum Gherdëina ai 8 de merz 2019 dala 10:30 a na matinée.
L cheder fat tl 1964 (format: 82 x 112 cm, uele sun tëila) rafigurea l’ëila che ie pona deventeda la jocera dl artist, Maria Peristi da Banch cun l guant dala cazina. Sun ncëria de Maria iel unì depënt dal artist che ova ntlëuta mé 28 ani. L ie una dla puecia opres cunservedes de si prima criatività artistica. Saskia y Alma Vallazza, mutans dl artist, se unerea de sëurandé l portret de si ava defonta coche dunazion ala culezion permanënta dl museum.
Dialogh cun Annemarie Höglinger y Alma Vallazza
Mëisa de libri sun la leteratura dl’ëiles de Gherdëina tla bibliotch Anda Malia da Cudan
Da dedò aperitif
Ntreda debant
