Compra nueva
per la culezion Luis Trenker

Presentazion di retrac di genitori de Luis Trenker
de Ignaz Stolz (1938)

Vendërdi, 10 de fauré 2012, dala 11.00

Per la culezion Luis Trenker àn pudù cumpré d’instà dl 2011 doi pultrec a uele di genitores de Luis Trenker, che l artist dl Sudtirol Ignaz Stolz (1868-1953) à depënt tl 1938.
L ie stat mesun cumpré i chedri de gra al bel cuntribut dla Fundazion Cassa dl Sparani y l sustëni de persones privates.

L Museum de Gherdëina rengrazia de cuer per chësc bel sustëni.


Pultret Carolina Trenker nasciuda Demetz
(a Urtijëi, ai 3 d’agost dl 1870 y morta a Bulsan ai 3 d’utober dl 1946)
Uele sun tëila, 57 x 47 cm
Senià japé a man drëta: Ig. Stolz


Pultret Jakob Trenker
(nasciù a Arzl dlongia Imst tl Tirol dl Nord ai 24 de fauré dl 1863 y mort ai prim de fauré dl 1952 a Urtijëi)
Uele sun tëila, 57 x 47 cm
Senià japé a man drëta: Ig. Stolz

I pultrec ie unic apustei da Luis Trenker tla Villa Guntschna a Bulsan.
L’oma Carolina conta dla ntraunida te na lëtra che la ti à mandà a si jëndra Hilda Trenker ai prims de nuvëmber dl 1938:

„Cara Hilda,
..... Stolz à njinià ca dut trëi iedesc. Ie messove sté senteda nsci y nsci y canche l ulova scumencé pluovel y pona fovel scur y l ne pudova plu fé nia. L uel fé n bel cheder y à debujën de surëdl, l depënj tla veranda....“
(Test metù a despusizion cun l benulëi de Dr. Ferdinand Trenker)

I pultrec de Carolina y Jakob Trenker ie da udëi tla pert dl Museum dedicheda a Luis Trenker.