Ala scuvierta dla chiena de Gherdëina

Vijita tematica nueva

I mëndri dla Monarchia austro-ungareja, dla Franzia, dla Nghiltiera y nchinamei dl USA dl 19ejim y nchin i prims ani dl 20ejim secul, ova una na cossa deberieda: la roba da fé damat de Gherdëina. Coche la univa fata, coche la se à svilupà y coche si produzion à mantenì families de na valeda ntiera, puderan audì y udëi tl Museum, tres na vijita speziela.


Can: uni vënderdi, dala 16:00 - dai 06.12.2024 ai 04.04.2025
Dureda: za. 1 ëura
Priesc: 15 € (10 € per i mëmbri de Val Gardena Active)
Ula: Museum Gherdëina

Iscrizion: Museum Gherdëina y tla lies dl turism de Gherdëina

Fé damat tl tëmp

Sunadëures de tamburdli, jungladëures, popes da lesures, cramaices y tieres d’uni sort: tan che dut fovel da abiné tl surtimënt de chiena di marcadënc de Gherdëina, che à pona giapà na lerch tla majons di mëndri dl’Europa y dl’America.
La vijita tematica ve tol pea te n viac tres la culezion dla chiena dl Museum Gherdëina, y nsci te n viac tres l tëmp dl Otcënt.
La raida dà la puscibltà de cunëscer miec la produzion tradiziunela di juesc te nosta stues da paur, che dajova da lëur a families ntieres. Y co ruvova pa la chiena ora per l mond? Na udleda tla rë de destribuzion svilupeda a puntin ve dajerà stlarimënc n chësc cont.
Sambën ie la vijita nce adateda per i pitli. Ëi po cun i juesc de lën, fé limpea chël che fova unì pensà da si criazion: fé damat.

Download nfurmazions


I-39046 Urtijëi | Ortisei | St. Ulrich, Str. Rezia 83, www.museumgherdeina.it